ދަރުމަވަންތަ ހޮސްޕިޓަލް ކައިރީ ބޭރު ތޮށި މޫދުން އަނިޔާތަކަކާއެކު އޮއްވާ ފެނިގެން ނެގި މީހާއަށް ފަރުވާދެމުން ދަނިކޮށް ނިޔާވެއްޖެއެވެ.

ފުލުހުން ދާދި ދެންމެ އަކު މީޑިޔާތަކަށް ހިއްސާ ކުރި މެސެޖެއްގައި ބުނެފައިވަނީ ދަރުމަވަންތަ ހޮސްޕިޓަލް ކައިރީ ބޭރު ތޮށި މޫދުން އަނިޔާވެފައިވަނިކޮށް މިއަދު ހެނދުނު ނެގި ދިވެހި ފިރިހެން މީހާއަށް އައިޖީއެމްއެޗްގައި ފަރުވާ ދެމުންދަނިކޮށް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ. އެއީ 55 އަހަރުގެ މީހެއް ކަމަށް މައުލޫމާތު ލިބިފައިވެއެވެ.

ފުލުހުން ކުރިން ހާމަކުރި މައުލޫމާތަށް ބަލާއިރު އެމީހާގެ ބޮލަށް އަނިޔާވެފައިވާ ކަމާ އަނިޔާވެފައިވަނީ އުޅަނދެއްގައި ޖެހިގެން ކަމަށް ބެލެވެއެވެ.

އެމީހާ ނިޔާވެފައިވާއިރު، މި މައްސަލަ ފުލުހުން ގެންދަނީ ތަޙުޤީޤު ކުރަމުންނެވެ.