ފިނޭންސް މިނިސްޓްރީން ނެރޭ ވީކްލީ ފިސްކަލް ޑިވެލޮޕްމަންޓްސް ރިޕޯޓްގެ އެންމެ ރިޕޯޓެއްވެސް މި އަހަރު ނުނެރެއެވެ.

ވީކްލީ ފިސްކަލް ޑިވެލޮޕްމަންޓްސް ރިޕޯޓުން ސަރުކާރުގެ މާލިއްޔަތުގެ ޚުލާސާއާއި، ހަރަދާއި އާމްދަނީގެ ތަފްސީލީ ނަތީޖާއާއި، ރިޕޯޓިންގ ހަފްތާއަށް ސަރުކާރުން ނަގާފައިވާ ލޯނުތަކުގެ ތަފްސީލް ފޯރުކޮށްދެއެވެ. މި ރިޕޯޓު ނެރެނީ ކޮންމެ އަންގާރަ ދުވަހަކުއެވެ.

ފާހަގަކޮށްލެވޭ ގޮތުގައި އެންމެ ފަހުން ނެރުނު ވީކްލީ ފިސްކަލް ޑިވަލޮޕްމަންޓްސް ރިޕޯޓު ނެރިފައިވަނީ މިދިޔަ އަހަރުގެ ޑިސެމްބަރު މަހުގެ 31ވަނަ ދުވަހާއި ހަމައަށެވެ. އެގޮތުން މި އަހަރު އެކަމާއި ގުޅުން ހުރި އެއްވެސް ރިޕޯޓެއް ޝާއިރު ނުކުރެއެވެ.

މި ކަމާއި ގުޅިގެން 13 އޮންލައިނުން ފިނޭންސް މިނިސްޓްރީއަށް މައުލޫމާތު ސާފުކޮށްލުމަށް ގުޅިނަމަވެސް ފޯނު ނުނެގުމުގެ ސަބަބުން އެކަންވަނީ ނުވެފައެވެ.