މާލޭ ސިޓީ ކައުންސިލްގެ އާ އިމާރާތުގެ ބިންގާ އަޅައި، އަމަލީ މަސައްކަތް ފަށައިފި އެވެ.

އާޒިމް އެކްސްގައި ކުރެއްވި ޕޯސްޓްއެއްގައި ވިދާޅުވީ، މާލޭ ސިޓީގެ މައި އޮފީހުގެ ގޮތުގައި ހަދާ އިމާރާތުގެ ބިންގާއަޅައި، މަސައްކަތް މިހާރު ވަނީ ފެށިފައިކަމަށެވެ.

އޭނާ ވިދާޅުވީ، އެއީ މާލޭ ސިޓިގައި ދިރިއުޅޭ 200،000 އަށްވުރެ ގިނަ މީހުންގެ އާބާދީއަށް ދޭ ހިދުމަތްތައް ފުޅާކޮށް، ފެންވަރު ރަނގަޅުކުރަން އެޅޭ ވަރަށް މުހިންމު ފިޔަވަޅެއް ކަމަށެވެ.

މާލޭގައި ބިނާކުރާ އާ އިމާރާތުގެ ބިންގާ އެޅުމަށް ހޯމަ ދުވަހުގެ ރޭ ބޭއްވި ރަސްމިއްޔާތުގައި އެތަނުގެ ބިންގާ އަޅުއްވައިދެއްވީ މާލޭ ސިޓީ ކައުންސިލްގެ މޭޔަރު އާދަމް އާޒިމް އާއި ޑެޕިއުޓީ މޭޔަރު އަހްމަދު ނަރީޝްއެވެ.